Яңа уку елыннан Россия президенты карары нигезендә мәктәпләрдә дин дәресләре укытылачак. Ул дәресләрне нинди программа нигезендә, кем алып барачак? Укучыларның күбесен бу сорау борчый. Мәктәпләргә ислам динен өйрәнү өчен дәреслекләр килде, тик алар рус телендщ язылган. Безнең мәктәптә татарлар гына укыганга күрә, бездә ислам дине буенча факультативны татар телендә оештырырга кирәк дигән карарга килдек. Укучаларның күбесе җәйге каникуллар вакытында мәчеткә, читтән килеп дин турында дәресләр алып баручы муллаларга йөриләр. Минемчә, бу мәсьәләне мәктәп күләмендә чишү уңайлырак булыр. Чөнки , соңгы вакытта “ислам дине өйрәтә” дип вахабистлар балаларны христиан дине тотучыларга каршы торырга өйрәтүче очраклар да күзәтелде. Шуның өчен Л.А.Харисова “Иминлек һәм игелек дине”(Казан. “Мәгариф” нәшрияты 2001 ел) китабыннан,Е.Е.Березников”Пайгәмбәрләр китабы”, “Коръән” “Идел” журналы(№12 1990 ел), А.В.Журавский «Христианство и ислам», “Мөселман календаре” (2006 ел), интернет сайтларындагы кирәкле мәгълуматлардан файдаланып Ләмберә районынының татар мәктәпләрендә ислам динен өйрәтү буенча факультатив дәресләре программасы төзергә тырыштым. Факультатив дөньякүләм таралган диннәрнең берсе ислам диненең мәдәни-әхлакый кыйммәтләрен өйрәнү мәктәп балаларының интеллектуаль, әхлакый потенциа-лын һәм дөньяга карашын үстерүгә ярдәм итәр дип ышанам.