Тема: «Юлда йөрсәң бул өлгер,бел син юл кагыйдәсен!”

                        (Башлангыч сыйныф укучылары өчен)

Максат:Балаларның юл кагыйдәләре буенча алган белемнәрен тирәнәйтү һәм ныгыту;урамдагы куркынычсызлык кагыйдәләре белән таныштыру; куркыныч хәлне тоеп-белү  сәләтен үстерү;тәртипле җәяүле булу теләге уяту;юл кагыйдәләрен өйрәнергә  һәм үтәргә күнектерү.

Җиһазлау:светофор моделе,уенчык руль моделе, Буратино курчагы, рәсем-нәр, җәяүлеләр өчен юлны аркылы чыгу урыны схемалары,аудиоязмалар.

                                 ДӘРЕС БАРЫШЫ

Укытучы:Исәнмесез,балалар! Бүген без кеше иминлеге өчен бик тә мөһим булган юл кагыйдәләре турында сөйләшербез.Безнең мәктәп һәм өйләребез юл кырыена урнашкан.Бу –шоссе юлы дип атала.Ул юлдан җиңел һәм йөк автомобильләре,автобуслар йөри.Беркем беркемгә дә комачауламый.Чөнки җәяүлеләр өчен дә,машина йөртүчеләр өчен дә төгәл кагыйдәләр бар.Юлның бер ягыннан икенче ягына чыгарга җиңел түгел.Бу очракта безгә светофор-ның өч сигналы ярдәмгә килә:яшел,сары,кызыл.(Светофор моделен күрсәтү)  Зур юллардагы тәртипне юл хәрәкәтен тәртипкә салып торучы кеше   саклый.Ул хәрәкәт белән идарә итә.Аның кулында жезл дип аталучы таяк бар.  (Рәсем күрсәтү)

Кулын сузды постовой,

Таягын селтәп алды.

Күрдегезме?

Күрдегезме?

Машиналар тукталды.

Урам аша чыгучы

Җәяүлеләр кузгалды.

Кабаланмый,каушамый

Атлыйлар җайга гына.

Карыйлар постовойның

Тылсымлы таягына.

Бар да,бар да урамда

Буйсына аңа гына!

Укытучы:Шоссе юл белән янәшә җәяүлеләр өчен дә юл ясалган.Ул тротуар дип атала.Сезгә бик еш кына шоссены аркылы чыгарга туры килә.Сез әнилә-регез белән автобуста барасыз,кибетләргә йөрисез.Юлны аркылы чыгу өчен юл кагыйдәләрен бик яхшы белергә кирәк.

Һәлакәтләр булмасын дип,

Телидер һәрбер йөрәк.

Шуңа күрә дә йөргәндә

Бик сак булырга кирәк!

Юл кагыйдәләрен бик тә

Белеп үтәргә кирәк!

-Нинди кагыйдәләр соң ул?

1нче  укучы:

Көн-төн машиналар

Чаба тыз-быз килеп.

Яна светофорлар

Төрле төскә кереп.

2 нче укучы:

Урамнарны күзәтеп,

Узганнарны кисәтеп,

Чатта тора Светофор,

Сакта тораСветофор

3 нче укучы:

Янып тораөч күзе,

Күреп тора  ич безне,

Әйтеп тораөч сүзне:

- Кузгалма! – ди кызыл күз.

- Сабыр! – диясары күз.

- Ярый! – дияяшел күз.

4 нче укучы:

Без дә аңакарыйбыз,

Күзебезнеалмыйбыз,

Ни әйткәнен аңлыйбыз.

 

Укытучы:Балалар,бу әкият героен таныйсызмы?

           (Буратино курчагын күрсәтә)

Буратино мәктәпкә барырга җыенган.Ләкин ул хәвеф-хәтәрсез барып җитсен өчен сезнең ярдәмегез кирәк.Мин текстны укып барам,сез игътибар белән тыңлагыз.Әгәр дә Буратино нәрсәнедер дөрес эшләми икән,сез аны кисәтергә тиеш буласыз-кул чабасыз.

      Буратино Әлифбасын алды да мәктәпкә китте.Бөтен кеше дә тротуар буйлап бара,Буратино да алар белән.Менә юл аркылы чыгарга кирәк булды.Машина килеп җитәргә әле зур-зур өч адым бар.Буратино: “Чыгып өлгерәм әле ,”-дип уйлады.  (Балалар кул чабалар)

-Балалар,ни өчен сез Буратиноны кисәттегез?

Укучы:Якынлашып килүче транспорт алдыннан чабып чыгарга ярамый.

Укытучы:Бик дөрес.Буратино машинаны үткәреп җибәрде дә юл аркылы чыкты.Дәресләр башланырга әле вакыт күп иде,чөнки ул өйдән алданрак чыккан иде.Шунда ул юлында очраган барлык игъланнарны укырга тотынды.

-Малай,сак бул!Алдыңа кара!-диделәр юлда очраган кешеләр.(Балалар кул чабалар)

Укучы:Каршыга килгән кешеләргә комачауламас өчен,тротуар буйлап уң яклап кына барырга кирәк.