Бүген Алабугада мәктәп укытучыларының икенче бөтенроссия фестивале башлана

Бастырып чыгару өчен

17 Август 2011,14:26

Егерменче августка кадәр дәвам итәчәк җыен республика белем бирү һәм фән хезмәткәрләренең август киңәшмәсе кысаларында уза

(Казан, 17 август, “Татар-информ”). Бүген Алабугада мәктәп укытучыларының икенче бөтенроссия фестивале башлана. Егерменче августка кадәр дәвам итәчәк җыен республика белем бирү һәм фән хезмәткәрләренең август киңәшмәсе кысаларында уза.
Фестивальдә РФ субъектларыннан мәктәп укытучылары, “Ел укытучысы” бәйгесендә җиңүчеләр, “Мәгариф” илкүләм өстенлекле проекты призерлары, яшь белгечләр, башлангыч сыйныф укытучылары, республика укытучылары, галимнәр һәм чит ил белгечләре катнаша.
Җыенның максаты – яңартып кору шартларында Россиядә мәктәптә белем бирү системасын үстерү перспективалары һәм актуаль проблемалар; хәзерге мәктәптә белем бирү процессын психологик-педагогик, мәгълүмати һәм методик яктан тәэмин ителеш турында фикер һәм тәҗрибә алышу; белем бирү технологияләре өлкәсендәге яңа эшкәртмәләр һәм уңышлар белән танышу.
Фестиваль белем бирү проблемаларына җәмәгатьчелекнең игътибарын җәлеп итү; иннновацион педагогик тәҗрибәне тарату; мәгарифтәге төрле алымнарны анализлау һәм гомумиләштерү; белем бирү өлкәсендәге белгечләрнең осталык дәрәҗәсен арттыру; РФ вузлары һшм мәктәпләре арасындагы элемтәләрне ныгыту, уртак фәнни-гамәли проектлар эшләү; дәүләт структуралары һәм иҗтимагый берләшмәләр белән хезмәттәшлек итүне бурыч итеп куя.
Җыен кысаларында пленар утырыш, ачык лекцияләр, “түгәрәк өстәл” утырышлары, эшлекле уеннар, остаз мәктәпләре, тренинглар, алдынгы педагогик тәҗрибәләрне тәкъдим итү, күргәзмәләр булачак, уку-методик әдәбият сатылачак.

Чыганак: Татар - информ мәгълүмат агентлыгы