<p> <span style="display: none;">&nbsp;</span></p> <p> 9 класс өчен төзелгән эш дәфтәрендә текст&nbsp; белән эшкә зур әһәмият бирелә: сәнгатьле уку, теманы, идеяне ачыклау, стильне билгеләү, соңыннан укучыларның грамматик белем һәм күнекмәләрен тикшерү өчен сораулар бирелә.Эш дәфтәрендә&nbsp; яңа грамматик &ndash; лексик материалны ныгыту өчен язмача күнегүләр сериясе, темалар буенча биремнәр урын алган.</p> <p> Татар теле өлкәсендә эшләүче телче галимнәрнең хезмәтләре һәм аерым язучыларның әсәрләре белән таныштыру, укучыларга төрле яклы тәрбия бирерлек текстлар сайлау -болар барысы да укучыларга белем һәм тәрбия бирүдә комплекслы якын килергә мөмкинлек тудыралар.</p> <p> Шулай ук укучыларны имтиханнарга әзерләүдә мондый эш дәфтәрләре кирәк дип саныйм. Биремнәрнең кайберләре татар теленнән БДИ на охшаш. Тестлар, схемалар, практикумнар, тел- сурәтләү чаралары, иҗади эшләр-барысы да имтихан эшләрендә очрый. Тема беткәннән соң хаталар өстендә эш үткәрелә, моның өчен аерым бит бар. Бу эшне &ldquo;Кагыйдәләр җыелмасы&rdquo; буенча алып барырга була.</p> <p> Укучыларга эш дәфтәрен электрон формада, электрон почта аша тапшыру мөмкинчелеге бар.</p>