Урок тĕсĕ: вĕреннине аса илсе пĕтĕмлетмелли урок. Сапăрлăх тĕллевĕ: Халăх сăмахлăхĕн тĕслĕхĕсене, пирĕн мăн асаттесен ăс-хакăл пуянлăхне ăнланма, упрама вĕрентесси. Пĕлÿ тĕллевĕ: халăх сăмахлăхĕ ҁинчен вĕреннине пĕтĕмлетесси. Аталантару тĕллевĕ: Ыйтусене тĕрĕс те уҁăмлăн хуравлама, харпăр хăй ыйтăвне уҁăмлăн, пурне те ăнланмалла калама, пĕтĕмлетÿ тума хăнăхтарасси. Урок мелĕсемпе меслечĕсем: вĕрентекен сăмахĕ; ыйту-хурав; юмаха, вăйă самантне выляса кăтартни; пĕр-пĕрне ыйтусем пани. Пуплеве аталантарас хăнăхусем: 1. Ачасене ыйтусене тĕрĕс те уҁăмлă хуравлама хăнăхтарасси 2. Ыйтусем йĕркелеме хăнăхтарасси 3. Ачасене хăйсене пĕтĕмлетÿ тума хăнăхтарасси. Курăмлăх хатĕрĕсем: очко пухмалли ҁаврашкасем, номерленĕ пĕчĕк пичкесем, «асамлă арча», «Пĕлетĕр-и эсир?» презентаци, «Телейлĕ самант» плакат. Урок эпиграфĕ: «Ĕмĕр пурăн, ĕмĕр вĕрен» (ваттисен сăмахĕ)