I. Оештыру моменты. Уңай психологик уңай халәт тудыру. - Исәнмесез , кадерле укучылар! Кәефләрегез ничек? Әйдәгез әле бер – беребезгә елмаеп карыйк. Безнең татар халкының иң күркәм сыйфатларының берсе нәрсә әле ул, укучылар? - Кунакчыллык. - Кунакчыллыкка карата бездә нинди әйтем бар? Кем әйтеп китә? - Якты чырай - такта чәй. Утырыгыз. II. Актуальлләштерү 1. Тест биремнәре тарату. (тикшерү) 3. - Ә хәзер, укучылар, рәхим итеп тактага карагыз! Безнең илебез күп милләтле, анда бик күп милләтләр яши. Менә бу рәсемдә милли кием кигән кызлар басып тора, шулар арасыннан үзебезнең татар кызын табыгыз. - Аны сез ничек аерасыз? Хәзер бу киемне кемнәр кия? (биючеләр, җырчылар, ягъни сәхнә кешеләре ). - Ә хәзер бу кызның киеменә характеристика биреп китик. Нинди киемнәр кигән ул? Чигүле калфак, күлмәге озын җиңле, озын итәкле, итәге һәм җиң очы бәбәй итәк белән бизәлгән. - Аягында нәрсә? (Читек) - Күлмәк өстеннән нәрсә кигән? (алъяпкыч кигән) - Ул ничек итеп тегелгән? (күкрәкчәле итеп) - Нинди бизәүче детальләр кулланылган? ( итәк, чигә, кайма) - Киемне тагы нәрсәләр белән бизәп була? (кружева, аппликация, тесмалар) - Ә без нинди алъяпкыч тектек? (путалы) -Алъяпкычыгызда татар халкының нинди бизәүче элементларын кулландыгыз? (бәбәй итәк, аппликация) - Безнең алъяпкычның кайсы өлешен тегәсе калды? (кесәсен)